Skip to main content

தாய் மொழியான தமிழ் நிலைக்குமா?


தற்போது உலகில் மக்களால் பேசப்பட்டு வரும் மொழிகள் எண்ணிக்கை 7,000 ஆக மதிப்பீடு செய்யப்பட்டுள்ளது. இவைகளில் பாதி , இந் நூற்றாண்ட்டின் இறுதிக்குள் அழிந்து போகும் ஆபத்தில் உள்ளன, என மொழி ஆராய்ச்சியாளர்கள் கூறுகின்றனர். உண்மையில், ஒவ்வொரு இரண்டு வாரத்திற்கும், ஒரு மொழி பயன்பாடு இல்லாமல் போவதாக கண்டறியப் பட்டுள்ளது.


சில மொழிகள், எஞ்சியுள்ள அம்மொழி பேசும் ஒருவரின் இறப்புடன், உடனடியாக மறைந்து போகின்றன. இதர மொழிகள், இரு மொழி கலாச்சார சூழலில் படிப்படியாக ,அழிந்து போகின்றன. குறிப்பாக, பூர்வீக மொழிகள், பள்ளியில் ஆதிக்கம் செலுத்தும் மொழி, சந்தையில் செல்வாக்கு செலுத்தும் மொழி, தொலைக் காட்சியில் ஆட்சி செய்யும் மொழிகளால், பின்னுக்குத் தள்ளப்படுகின்றன. மிக விரைவாக மொழிகள் அழிந்து போகும் ஐந்து பகுதிகளாக, அண்மையில் ஆய்வுகள் மூலம் அறிய வந்துள்ளது. வடக்கு ஆசுத்திரேலியா, மத்திய தென் அமெரிக்கா, வட அமெரிக்காவின் உயர் பசிபிக் கடற்கரை மண்டலம், கிழக்கு சைபீரியா, ஒக்லகோமா மற்றும் தென் மேற்கு ஐக்கிய அமெரிக்க நாட்டின் பகுதிகள் ஆகும்.


இப்பகுதிகள் அனைத்திலும், பலவகையான மொழிகள் பேசும் பூர்வீகக் குடிகள் சொற்ப எண்ணிக்கையிலேயே உள்ளனர். இவ்வாய்வு, தேசிய நிலநூல் கழகம் மற்றும் அழியும் நிலையில் உள்ள வாழும் மொழிகள் ஆய்வு நிறுவனத்தின், கள ஆய்வு மற்றும் புள்ளி விவரங்களை அடிப்படையாகக் கொண்டது. இக் கண்டுபிடிப்புகள், தேசிய நிலம் மற்றும் மொழி குறித்த வலைப் பதிவில் விவரிக்கப் பட்டுள்ளது ஜாத் மொழி: கவலையில் பழங்குடியினர்..... கோல்கட்டா : உத்தரகண்ட் மாநிலத்தின், ஜாத் பழங்குடி மொழி, கொஞ்சம் கொஞ்சமாக அழிந்து வருவதைக் கண்டு, பழங்குடியினர் செய்வதறியாமல் திகைத்து போயுள்ளனர். உலகமயமாக்கல் உள்ளிட்ட பல்வேறு செயல்களால், சிறுபான்மை மொழிகள் நாள்தோறும் அழிந்து கொண்டே வருகின்றன. சில வாரங்களுக்கு ஒருமுறை, ஒரு சிறுபான்மை மொழி அழிகிறது. யுனெஸ்கோவின், அழிந்து வரும் மொழிகள் அறிக்கை, இன்னும் 50 ஆண்டுகளில் உலகில் பேசப்பட்டு வரும் சிறுபான்மை மொழிகள் 6 ஆயிரத்தில் பாதிக்கு மேல் இருக்காது என்று கூறியுள்ளது.அதே அறிக்கை, இந்தியாவில் உள்ள சிறுபான்மை மொழிகளில் 196 அழியும் தருவாயில் இருப்பதாகவும் எச்சரிக்கை செய்துள்ளது. அந்த பட்டியலில் உத்தரகண்ட்டின் ஜாத் மொழியும் ஒன்று.திபெத் அருகிலுள்ள நேலாங் மற்றும் ஜாதுன் ஆகிய கிராமங்களில், ராங்பா என்ற பழங்குடியினர் வசித்து வந்தனர்.


1962ல் ஏற்பட்ட இந்திய-சீன போரில், அவர்கள் அப்போதைய உத்தரபிரதேச மாநிலத்தின் டுண்டா போன்ற சிறு நகரங்களில் குடியேறினர். ஜாத் மொழி தற்போது 2,000 பேர்களால் மட்டுமே பேசப்பட்டு வருகிறது.இது குறித்து ராங் பா பழங்குடியின வயதானவர்கள் கூறியதாவது:எங்கள் இளைஞர்கள், ஜாத் மொழியைப் பேசத் தயங்குகின்றனர். தாய்மொழியில் அவர்களுக்கு மேலெழுந்த வாரியான அறிவே இருக்கிறது. எங்கள் திருமணம் மற்றும் சுபநிகழ்ச்சிகளில் பாடும் பாடல்கள் கூட மறைந்து வருகின்றன. ஜாத்துக்கு வரி வடிவம் கிடையாது. ஆனால் எங்கள் இளைஞர்கள் மொபைலில் எஸ்.எம்.எஸ்., அனுப்பும் போது ஆங்கிலத்தில் ஜாத்தில் பரிமாறிக் கொள்கின்றனர். அவர்கள் பெரும்பாலும் நகரங்களில் பணியாற்றுகின்றனர். தாங்கள் பழங்குடியினர் என்ற காரணத்தால் தனிமைப்பட அவர்கள் விரும்பவில்லை.இவ்வாறு அவர்கள் தெரிவித்தனர்.

மேலும் இந்தியாவில், தமிழகத்தில் 7, கர்நாடகாவில் 6, ம.பி.,யில் 11, பீகாரில் 5, இமாச்சல பிரதேசத்தில் 19, அருணாச்சல் பிரதேசத்தில் 36, உத்தரகண்ட்டில் 12, மே.வங்கத்தில் 10, ஜம்மு காஷ்மீரில் 12 ஆகிய சிறுபான்மை மொழிகள் அழிவின் விளிம்பில் காத்திருக்கின்றன. இம்மொழிகளை பாதுகாப்பதற்காக, மத்திய அரசின், பாரத் பாஷா விகாஸ் யோஜனா திட்டம் செயல்படுத்தப்பட்டு வருகிறது.

எனவே நாம் நம் தாய்மொழி தமிழ் மொழியை காப்பாற்ற வேண்டிய நிலையில் உள்ளோம் ....

நாம் குழைந்தைகள் நம்மை mummy daddy என்று கூப்பிடுவதை கண்டிப்புடன் தவிர்ப்பதோடு அம்மாஅப்பா என்று சொல்ல வைப்போம்.....

வாழ்க தமிழ்! வளர்க தமிழகம்!!...

Comments

Popular posts from this blog

இட ஒதுக்கீடும், திராவிட அயோக்கிய தனமும்

'பெரியார் தான் இட ஒதுக்கீடு வாங்கி தந்தார். நீங்க படிக்கிறதே அவர் போட்ட பிச்சை தான்' என்று மார்தட்டும் பெரியார் தொண்டர்களுக்கு....!!!
========================================================================

"மொழி வாரி மாநிலங்கள் பிரிந்தாலும் திராவிட நாடு கோரிக்கை அப்படியே தான் இருக்கு. அன்று சென்னை மாகாணம் என்பது ஆந்திர,கர்னாடக,மலையாள நிலங்களை உள்ளடக்கியது. இன்று அது தமிழ் நாடு என்று சுருங்கி விட்டது. இருந்தாலும் தமிழ்நாடு தான் திராவிட நாடு. எல்லை சுருக்கிருச்சு. ஆனால் கோரிக்கை மாறலை" --- பெரியார்.

ஆக, அன்றைய சென்னை மாகாணத்தில் ஆந்திர, கன்னட, கேரளா பகுதிகள் இருந்தது உண்மை. அந்த சென்னை ராஜ்தானிக்காக எடுக்கப்பட்ட சாதி பட்டியலில் நாயக்கர், மராட்டியர், சக்கிலியர், கன்னடர், மலையாளி என்று பலரும் இருந்தனர். அப்போது MBC கிடையாது. BC மற்றும் SC மட்டுமே. பின்பு மொழிவாரி மாநிலங்கள் கேட்டும் ஆந்திர, கர்னாடக, கேரளாவினர் தனி தேசிய இனங்களாக பிரிந்து சென்றனர். இருந்தாலும் தமிழர் என்ற தேசிய இனமாக எழவிடாமல் 'நாம எல்லாம் திராவிடர்' என்று திரும்பவும் காயடித்தார் பெரியார். இது விஷய…

ராஜேந்திர சோழரின் வங்கதேச படையெடுப்பு: லண்டன் நூலகத்தின் ஒளிப்பட ஆவணத்தில் தகவல்

முதலாம் ராஜேந்திர சோழரின் வங்காள படையெடுப்பின்போது கோதாவரி ஆற்றின் தென்கரை யோடு திரும்பிவிட்டான் என்பதே இதுநாள் வரை வரலாற்று ஆய் வாளர்களின் கூற்று. ஆனால், வட கரைக்கும் சென்று போரிட்டான் என்பதற்கான ஆவணம் தற்போது லண்டனில் உள்ள பிரிட்டிஷ் நூலகத்தில் கிடைத்திருக்கிறது.

கங்கைகொண்ட சோழரின், கங்கைகொண்ட சோழீச்சரம், கங்கைகொண்ட சோழபுரம் இவைகள் குறித்து முழுமையான ஆய்வு நூல் ஒன்றை எழுதி முடித்திருக் கிறார் வரலாற்று ஆய்வாளர் குடவாயில் பாலசுப்ரமணியன். இதற்காக மலேசியா, இலங்கை, இந்தோனேசியா, கம்போடியா, இங்கிலாந்து உள்ளிட்ட நாடுகளுக் குச் சென்றவருக்கு, லண்டனில் உள்ள பிரிட்டிஷ் நூலகத்தில் 2 அரிய ஒளிப்படங்கள் கிடைத்தன.
ராஜேந்திரனின் படைகள் வங்கப் போரை வெற்றிகரமாக முடித்துவிட்டு, அதன் அடையாள மாக கங்கை நீரை எடுத்துக்கொண்டு கோதாவரி நதிக்கரைக்கு வந்தன. தனது படைகளை அங்கிருந்து வரவேற்ற ராஜேந்திரன், அவர்களை அழைத்துக்கொண்டு தற்போது ஒடிசா என்று அழைக்கப்படும் ‘ஒட்டர தேயம்’ மீது படையெடுத்து அங்கிருந்த மன்னர்களையும் வீழ்த்தினான்.
இதனை ஒடிசா மாநிலம் மகேந் திரகிரி மலை மீது அமைந்துள்ள யுதிஷ்டிரர் மற்றும் குந்திதேவி கோ…

பார் எங்கிலும் வாழும் தமிழ் உள்ளங்களுக்கு - இனிய பொங்கல் நல்வாழ்த்துக்கள்!

பொங்கல் பெருவிழா - தமிழர்த் திருவிழா

பொங்கல் பெருவிழா, உழவர் விழா, உழைப்பாளர் விழா என்றெல்லாம் கொண்டாடப்படுவது உழைப்பின் பெருமையை உரைக்கும் விழா. உழவர் என்பது உழவுத் தொழில் செய்பவரைக் குறித்தாலும், வருந்தி உழைக்கும் அனைவரும் உழவரே ஆவர். உழவு உடையவன் உழவன்; உழைப்பவன் உழவன். உழவு எனுஞ்சொல்லுக்கு உழைத்தல் என்பது பொருள்.

சுழன்றும்ஏர்ப் பின்னது உலகம் அதனால்
உழந்தும் உழவே தலை. -குறள் (1031)
எனும் குறள் இதனை தெளிவு செய்யும்.



உழவுத் தொழில் செய்யாமல் மற்ற தொழில் செய்கின்றவர் எல்லாரும் உழவுத் தொழில் செய்கின்றவரைத் தாங்குவதால் இந்நாள் உழவர்க்கே உரிமை உடையதாயினும் உலகு புரக்க உழைப்பவர் அனைவருமே தேவை என்பதால் மற்ற உழைப்பாளர்களும் போற்றுகின்ற நாளாகிறது பொங்கல் பெருநாள்.

உழவு தவிர மற்றவை அனைத்தும் தொழில் என்னும் சொல்லால் குறிக்கப்படும். எனவே ஒரு நாட்டின் முன்னேற்றத்திற்கு உழவு வளமும் தொழில் வளமும் இன்றியமையாதன ஆகின்றன. ஆகவே, உழவும் தொழிலும் ஒரு நாட்டின் இரு கண்கள் எனலாம்.

அதனால்தான் புரட்சிப் பாவலர் பாரதிதாசன், "உழவே தலை என்றுணர்ந்த தமிழர் விழாவே இப்பொங்கல் விழாவாகும்" என்று பாடிப் போற்…