Skip to main content

பெரியகோயில் 1000-வது ஆண்டுவிழா: தஞ்சை

இராஜராஜ சோழனின் மெய்க்கீர்த்திகளில் ஒன்று


ஸ்வஸ்திஸ்ரீ் திருமகள் போல பெருநிலச் செல்வியுந் தனக்கேயுரிமை பூண்டமை மனக்கொளக் காந்தளூர்ச் சாலைக் களமறூத்தருளி வேங்கை நாடும் கங்கைபாடியும் நுளம்பபாடியும் தடிகை பாடியும் குடமலை நாடும் கொல்லமும் கலிங்கமும் எண்டிசை புகழ்தர ஈழ மண்டலமும் இரட்டபாடி ஏழரை இலக்கமும் திண்டிறல் வென்றி தண்டால் கொண்டதன் பொழில் வளர் ஊழியுள் எல்லா யாண்டிலும் தொழுதகை விளங்கும் யாண்டே செழிஞரை தேசுகொள் ஸ்ரீ்கோவிராஜராஜகேசரி பந்மரான ஸ்ரீராஜராஜ தேவர்.


தரணிபுகழ் மிக்க மாமன்னன் தோற்றுவித்த பெருவுடையார் ஆலயம் உயர்ந்தந் செருக்கோடும் கலைநயத்தோடும் மாமன்னன் ராஜராஜன் புகழ் திக்கெட்டும் பரவுமபடி அது 1000 ஆவது ஆண்டில் வீரநடை போட்டுகொண்டிருக்கிறது. மாமன்னன் அவர்களை வாழ்த்த நம்க்கெல்லாம் அருகதையில்லை அந்தளவுக்கு பரந்த அறிவும் தீரமான் வீரமும் கலையின் மீது தீராத ஆர்வமும் கொண்ட தலைவர்கள் சிலரைத்தவிர யாருமில்லை. இந்திய சாம்ராஜ்ஜியங்களிலே சோழ பேரரசில்தான் கப்பல்படை இருந்தது அதுவும் இந்திய எல்லைகளை கடல்தாண்டி கடாரம், சாவகம், சுபத்திரா, பர்வதம், இலங்காபுரி போன்ற தீவுகளையும் நாடுகளையும் வெற்றிகொண்டிருக்கிறது. அப்படி படையெடுப்பின்போது தமிழ்சமூகமும் அந்தந்த நாடுகளில் தீவிகளில்ல் தமிழர்களின் பெருமை சிறக்க குடியேறி வாழ்ந்திருக்கிறார்கள் பின்னர் அந்த தமிழ்சமூகத்திற்க்கு ஏதேனும் தீங்கு நேரிடும்போது மீண்டும் படையெடுத்து பகைவர்களை அழித்து தமிழர்களுக்கு நல்வாழ்வு அளித்தார் மாமன்னர் ராஜராஜ சோழன்.


தான் எத்தனைபெரிய சாம்ராஜியதிபதியாகயிருந்தபோதும் தான் என்றும் உண்மையான அன்புக்கும் அடிமையென்று நிரூபித்திருக்கிறார் பலமுறை. சிறுவய்திலே அன்னையினை இழந்த மாமன்னன் தனது தமக்கையின் பராமரிப்பில் அனைத்து அறிவுகளிலும் தேர்ச்சிபெற்றுவிளங்கினார் என்றும் தனது தமக்கையாரின் வாக்கினை மீறியதில்லை என்பது வரலாறு. கொடை என்றுவரும்பொழுது தான்மட்டுமே செய்தேன் என்றில்லாமல் யார்யாரெல்லாம் அறப்பணியில் ஆர்வமுடன் கொடைசெய்துள்ளார்கள் என்று அவர்களின் சிறப்பினையும் வரலாறுகூறட்டுமே என்று அவர்களின் கொடைபணிகளையும் கல்வெட்டாக ஏற்றியிள்ளார் மாமன்னன் ராஜராஜன்.


இப்படி தனிச்சிறப்புகள் பலகொண்ட மாமன்னன் ராஜராஜன் அவர்களினைபோன்று யாரும் சமுதாயத்திற்க்கு நாட்டுக்கு சிறப்புகள் செய்ததுமில்லை செய்யபோவதுமில்லை அவரை வாழ்த்தவயதில்லை ஆதலால அவர்களின் திருவடிக்கு தலைவணங்கி புகழினை போற்றுவோம். மேலும் அவர்களின் முதன்முதலாக உருவாக்கிய உலோகச் திருவுருவசிலை குஜராத்தில் ஒரு அருங்காட்சியகத்தில் இருப்பதாக கேள்வி அதனை மீட்டு மீண்டும் தரணிபுகழ்பாடும் தஞ்சையில் நிறுவவேண்டுமென்று கனம் ஆட்சியாளர்களிடம் எடுத்துரைப்போம்.


குஜராத் மாநிலத்தில் உள்ள மாமன்னர் ராசராச சோழனின் உலோகச் சிலையை மீட்டு, மீண்டும் தஞ்சை பெரிய கோயிலுக்குள் வைக்க தமிழக அரசு நடவடிக்கை எடுக்க வேண்டும் என்று எதிர்பார்க்கப்படுகிறது.


தஞ்சை பெரிய கோயிலை எழுப்பியவர் மாமன்னர் ராசராச சோழன். அவர் வாழ்ந்த காலத்தில், பெருவுடையாரைப் பார்த்து வணங்கும் நிலையில் சுமார் ஒன்றரை அடி உயரத்திலான ராசராச சோழனின் உலோகச் சிலை பெருவுடையார் கோயில் கருவறை முன் நெடுங்காலமாக வைக்கப்பட்டு, பாதுகாக்கப்பட்டு வந்தது.


தற்போது, உலகப் பாரம்பரியச் சின்னமான பெரிய கோயிலை இந்தியத் தொல்லியல் துறை பராமரித்து வருகிறது. தொல்லியல் துறையின் கட்டுப்பாட்டுக்குள் இந்தக் கோயில் வருவதற்கு முன்னதாக மராட்டிய அரச குடும்பத்தினரின் கட்டுப்பாட்டில் இருந்தது. அப்போது கோயிலுக்குள் இருந்த ராசராச சோழனின் உருவச் சிலை மற்றொருவர் கைக்குச் சென்றுவிட்டது.


மறைந்த முன்னாள் முதல்வர் ஆட்சிக் காலத்தில் பெரிய கோயிலுக்குள் இருக்கும் ராசராச சோழன் சிலை கி.பி. 10 ஆம் நூற்றாண்டில் உருவாக்கப்பட்டது அல்ல என்பதும், சிலை கைமாறிய பிறகு உண்மையான சிலைக்குப் பதிலாக போலியாக உருவாக்கப்பட்ட சிலையே கோயிலுக்குள் இருக்கிறது என்பதும் கண்டறியப்பட்டது. அதன்பிறகு, சிலையை மீட்க எம்.ஜி.ஆர். மேற்கொண்ட நடவடிக்கை ஏனோ வெற்றி பெறவில்லை.


இதனிடையே, உண்மையான ராசராச சோழனின் சிலை குஜராத் மாநிலம், ஆமதாபாதில் உள்ள தனியாருக்குச் சொந்தமான கவுரம் சாராபாய் அருங்காட்சியகத்தில் காட்சிப் பொருளாக இருப்பது தெரிய வந்துள்ளது. ஆனால், அருங்காட்சியக உரிமையாளர் சட்டத் திட்டங்களுக்கு உள்பட்டு ராசராச சோழன் சிலையை விலைக்கு வாங்கி வைத்திருப்பதாகக் கூறப்படுகிறது.


ராசராச சோழனால் எழுப்பப்பட்ட பெருவுடையார் கோயில் 1,000-வது ஆண்டு நிறைவு விழாவை எட்டும் நிகழ்வு தமிழகத்தில் உள்ளவர்களுக்கு மட்டுமன்றி, உலகெங்கிலும் வாழும் தமிழர்களுக்கு பெருமையளிக்கும் விஷயமாகும். இத்தகைய போற்றுதற்குரிய ராசராச சோழன், சமய ஈடுபாடு கொண்டவராக இருந்ததோடு, அடுத்த தலைமுறையினரும் தலை நிமிர்ந்து வாழும் வகையில் தமிழகக் கட்டக் கலையையும், பண்பாட்டையும் வெளிப்படுத்தும் கருவூலமாக பெரிய கோயிலைத் நமக்கு தந்தவர்.


கி.பி. 10 ஆம் நூற்றாண்டில் உருவாக்கப்பட்ட மாமன்னர் ராசராச சோழனின் உலோகச் சிலை பெருவுடையார் கோயிலுக்குள் இல்லாமல், ஆமதாபாதில் உள்ள அருங்காட்சியகத்தில் காட்சிப் பொருளாக இருப்பது தமிழர்களுக்கு ஏற்கத்தக்கதல்ல.


எனவே, உலகத் தமிழ்ச் செம்மொழி மாநாடு நடத்தி தமிழன்னைக்கு மேலும் ஒரு மணிமகுடம் சூட்டி வரலாற்றில் பொன் எழுத்துகளால் பதிவு பெற்றுள்ள தமிழகம், அடுத்து, பெரிய கோயில் 1,000-வது ஆண்டு விழாவை நடத்தி வரலாற்றுப் பதிவில் மற்றொரு இடத்தையும் பெறவுள்ளது.


இந்த நேரத்திலாவது தமிழக அரசு தேவையான அனைத்து முயற்சிகளையும் மேற்கொண்டு, ஆமதாபாத் தனியார் அருங்காட்சியகத்தில் உள்ள ராசராச சோழனின் உலோகச் சிலையை மீட்டு, மீண்டும் பெரிய கோயிலுக்குள் வைக்க வேண்டும் என்பதே அனைவரின் விருப்பமாகும்.


கல்கோயிலையும், ராசராசனின் சிலையும் ஒருங்கே பார்க்கும்போது, 1,000-வது ஆண்டு விழா முழுத் திருப்தியுடன் நடைபெற்றதாக உணர முடியும். ராசராச சோழனின் உருவச் சிலை நமது பாரம்பரிய பண்பாட்டுச் சின்னங்களில் ஒன்று. அதை மீட்க வேண்டிய அவசியமும், அதற்கான காலச் சூழலும் தற்போது உருவாகியுள்ளது.


மன்னர்களின் ஆட்சி முறை, நிர்வாக முறை, வளர்ச்சிப் பணிகள் குறித்து வரலாற்றில் படிக்கும்போது மெய் சிலிர்க்கிறது. ராசராச சோழன் மிகப் பிரம்மாண்டமான கோயிலை எழுப்பினார், அதில் கலை, கலாசாரம், பண்பாடு, நாகரிகம் அனைத்தும் ஒரு பெட்டகமாக அடங்கியுள்ளன. அனைத்துக்கும் சான்றாக இன்றைக்கும் கம்பீரமாக வானத்தைத் தொடும் அளவுக்கு கோபுரமாய் நின்று கொண்டிக்கிறது பெரிய கோயில். பெரிய கோயிலைப் பார்த்து அதிசயத்துப் போகும் மனித சமுதாயம், அதை உருவாக்கிய மன்னரின் உண்மையான உலோகச் சிலையையும் காணத் துடிக்கிறது என்பதே உண்மை!!


வாழ்க நின்புகழ்! வளர்க தமிழகம்!!

Comments

  1. 1. ஆப்பிள் ஐபேடுடன் போட்டியிடும் சீன நகல் ஐபெட் !!
    2. சினிமா விமர்சனம்-குறுக்குப்புத்தி 18+
    3. இந்தியா ஒளிர்கிறது, இந்தியா ஒளிர்கிறது
    4.நேரடி ஒளிபரப்புக்கு ஜெயலலிதா பயன்படுத்தும் இணையதளம்!
    5.ஆயிஷா

    (www.jeejix.com ) . உங்களின் பதிவு செய்யும் சமூக மாற்றங்களை சுவாசியுங்கள் !!

    ReplyDelete
  2. தமிழோசை நாளிதழில் வரும் சின்னம் (logo) யாழ் தானே ?

    ReplyDelete
  3. tamilosai newspaper contains a logo . what it is? i think it is yazh musical instrument right.

    ReplyDelete

Post a Comment

உங்களின் கருத்துக்கள் எனக்கு ஊக்கமளிக்கும்

Popular posts from this blog

இட ஒதுக்கீடும், திராவிட அயோக்கிய தனமும்

'பெரியார் தான் இட ஒதுக்கீடு வாங்கி தந்தார். நீங்க படிக்கிறதே அவர் போட்ட பிச்சை தான்' என்று மார்தட்டும் பெரியார் தொண்டர்களுக்கு....!!!
========================================================================

"மொழி வாரி மாநிலங்கள் பிரிந்தாலும் திராவிட நாடு கோரிக்கை அப்படியே தான் இருக்கு. அன்று சென்னை மாகாணம் என்பது ஆந்திர,கர்னாடக,மலையாள நிலங்களை உள்ளடக்கியது. இன்று அது தமிழ் நாடு என்று சுருங்கி விட்டது. இருந்தாலும் தமிழ்நாடு தான் திராவிட நாடு. எல்லை சுருக்கிருச்சு. ஆனால் கோரிக்கை மாறலை" --- பெரியார்.

ஆக, அன்றைய சென்னை மாகாணத்தில் ஆந்திர, கன்னட, கேரளா பகுதிகள் இருந்தது உண்மை. அந்த சென்னை ராஜ்தானிக்காக எடுக்கப்பட்ட சாதி பட்டியலில் நாயக்கர், மராட்டியர், சக்கிலியர், கன்னடர், மலையாளி என்று பலரும் இருந்தனர். அப்போது MBC கிடையாது. BC மற்றும் SC மட்டுமே. பின்பு மொழிவாரி மாநிலங்கள் கேட்டும் ஆந்திர, கர்னாடக, கேரளாவினர் தனி தேசிய இனங்களாக பிரிந்து சென்றனர். இருந்தாலும் தமிழர் என்ற தேசிய இனமாக எழவிடாமல் 'நாம எல்லாம் திராவிடர்' என்று திரும்பவும் காயடித்தார் பெரியார். இது விஷய…

ராஜேந்திர சோழரின் வங்கதேச படையெடுப்பு: லண்டன் நூலகத்தின் ஒளிப்பட ஆவணத்தில் தகவல்

முதலாம் ராஜேந்திர சோழரின் வங்காள படையெடுப்பின்போது கோதாவரி ஆற்றின் தென்கரை யோடு திரும்பிவிட்டான் என்பதே இதுநாள் வரை வரலாற்று ஆய் வாளர்களின் கூற்று. ஆனால், வட கரைக்கும் சென்று போரிட்டான் என்பதற்கான ஆவணம் தற்போது லண்டனில் உள்ள பிரிட்டிஷ் நூலகத்தில் கிடைத்திருக்கிறது.

கங்கைகொண்ட சோழரின், கங்கைகொண்ட சோழீச்சரம், கங்கைகொண்ட சோழபுரம் இவைகள் குறித்து முழுமையான ஆய்வு நூல் ஒன்றை எழுதி முடித்திருக் கிறார் வரலாற்று ஆய்வாளர் குடவாயில் பாலசுப்ரமணியன். இதற்காக மலேசியா, இலங்கை, இந்தோனேசியா, கம்போடியா, இங்கிலாந்து உள்ளிட்ட நாடுகளுக் குச் சென்றவருக்கு, லண்டனில் உள்ள பிரிட்டிஷ் நூலகத்தில் 2 அரிய ஒளிப்படங்கள் கிடைத்தன.
ராஜேந்திரனின் படைகள் வங்கப் போரை வெற்றிகரமாக முடித்துவிட்டு, அதன் அடையாள மாக கங்கை நீரை எடுத்துக்கொண்டு கோதாவரி நதிக்கரைக்கு வந்தன. தனது படைகளை அங்கிருந்து வரவேற்ற ராஜேந்திரன், அவர்களை அழைத்துக்கொண்டு தற்போது ஒடிசா என்று அழைக்கப்படும் ‘ஒட்டர தேயம்’ மீது படையெடுத்து அங்கிருந்த மன்னர்களையும் வீழ்த்தினான்.
இதனை ஒடிசா மாநிலம் மகேந் திரகிரி மலை மீது அமைந்துள்ள யுதிஷ்டிரர் மற்றும் குந்திதேவி கோ…

பார் எங்கிலும் வாழும் தமிழ் உள்ளங்களுக்கு - இனிய பொங்கல் நல்வாழ்த்துக்கள்!

பொங்கல் பெருவிழா - தமிழர்த் திருவிழா

பொங்கல் பெருவிழா, உழவர் விழா, உழைப்பாளர் விழா என்றெல்லாம் கொண்டாடப்படுவது உழைப்பின் பெருமையை உரைக்கும் விழா. உழவர் என்பது உழவுத் தொழில் செய்பவரைக் குறித்தாலும், வருந்தி உழைக்கும் அனைவரும் உழவரே ஆவர். உழவு உடையவன் உழவன்; உழைப்பவன் உழவன். உழவு எனுஞ்சொல்லுக்கு உழைத்தல் என்பது பொருள்.

சுழன்றும்ஏர்ப் பின்னது உலகம் அதனால்
உழந்தும் உழவே தலை. -குறள் (1031)
எனும் குறள் இதனை தெளிவு செய்யும்.



உழவுத் தொழில் செய்யாமல் மற்ற தொழில் செய்கின்றவர் எல்லாரும் உழவுத் தொழில் செய்கின்றவரைத் தாங்குவதால் இந்நாள் உழவர்க்கே உரிமை உடையதாயினும் உலகு புரக்க உழைப்பவர் அனைவருமே தேவை என்பதால் மற்ற உழைப்பாளர்களும் போற்றுகின்ற நாளாகிறது பொங்கல் பெருநாள்.

உழவு தவிர மற்றவை அனைத்தும் தொழில் என்னும் சொல்லால் குறிக்கப்படும். எனவே ஒரு நாட்டின் முன்னேற்றத்திற்கு உழவு வளமும் தொழில் வளமும் இன்றியமையாதன ஆகின்றன. ஆகவே, உழவும் தொழிலும் ஒரு நாட்டின் இரு கண்கள் எனலாம்.

அதனால்தான் புரட்சிப் பாவலர் பாரதிதாசன், "உழவே தலை என்றுணர்ந்த தமிழர் விழாவே இப்பொங்கல் விழாவாகும்" என்று பாடிப் போற்…